Bydd Gŵyl Bwyd a Diod Ryngwladol Caerdydd yn dychwelyd i Fae Caerdydd, gydag arlwy odidog o gawsiau fferm, siocledi blasus, gwirodydd a llawer, llawer mwy i’ch temtio!

Dewch i siopa yn Ffair y Cynhyrchwyr neu Farchnad y Ffermwyr; ymlaciwch ar y Piazza Bwyd neu’r Bar Siampên poblogaidd ar ymyl y dŵr. Gyda cherddoriaeth ac adloniant ar gyfer y teulu dyma un o ddanteithion blasusaf Caerdydd ym misoedd yr haf.

Wrth ymweld â Marchnad y Ffermwyr ar Rhodfa'r Harbwr, beth am alw draw i’r Eglwys Norwyaidd hardd ar ei newydd wedd? Blaswch Wafflau Norwyaidd traddodiadol yn y caffi newydd, Norsk, neu beth am fwynhau gwydraid o Pimms wrth i chi werthfawrogi’r olygfa o’r teras hardd ar lannau’r dŵr. Dyma gyfle gwych i gwrdd â chyflenwyr lleol poblogaidd a fydd yn cynnig blasu gwin a chaws yn Ystafell Grieg ddydd Sadwrn a dydd Sul. Cysylltwch â'r Eglwys Norwyaidd am docynnau.

Adloniant
Mwynhewch raglen amrywiol o adloniant; bydd y gerddoriaeth o'r bandstand yn cynnwys Soul, Jazz, Gwerin, Skiffle a Chanu Gwlad ynghyd â thoreth o adloniant stryd doniol.

Theatr Fwyd John Lewis
Dewch draw i Theatr Fwyd John Lewis a mwynhewch amrywiaeth o arddangosiadau bwyd a gweithdai ymarferol.

Bydd prydau adnabyddus a ryseitiau tymhorol yn cael eu paratoi gan ddefnyddio cynhwysion ffres lleol y mae llawer ohonynt ar gael i’w prynu ar y safle.

Hefyd peidiwch ag anghofio am y gweithdai dyddiol i blant lle gall cogyddion ifanc greu eu prydau bwyd eu hunain.

I gael eich tocynnau am ddim ar gyfer Theatr Fwyd John Lewis, ewch i’r Garafán Wybodaeth ar y diwrnod.

 

I gyrraedd digwyddiadau Bae Caerdydd

---

CYFLEUSTERAU

8-10 Gorff 2011

DIGWYDDIAD AM DDIM
Codir tâl ar gyfer rhai gweithgareddau

 

Gwener a Sad

12-5pm
Theatr Fwyd John Lewis
12-7pm
Marchnad y Ffermwyr
12-9pm
Ffair y Cynhyrchwyr a’r Ffair Grefftau
12-10pm
Piazza Bwyd ac Adloniant

Sul

12-5pm
Theatr Fwyd John Lewis
12-7pm
Ffair y Cynhyrchwyr, Marchnad y Ffermwyr, Ffair Grefft, Piazza Bwyd, Adloniant

 

Manylion mynediad:
• Parcio i’r anabl gerllaw

• Mynediad Gwastad ledled Plas Roald Dahl

• Toiledau i’r anabl ar y safle